काबिल सम्वाददाता
वीरगन्ज
हरेक आन्दोलन वा भिडभाडमा सकृय हुनुपर्ने पत्रकारले सामुन्नेका घटना मात्र नभई लुकेका तथ्य पनि बाहिर ल्याउने भएकोले पत्रकारको अझ हौसला बढाउन र समाजका अन्य तथ्यगत कुरा बाहिर ल्याउन बल पुगोस् भनी स्थानीय अभियन्ता शेख मुन्नाले पर्साका २५ जना पत्रकारहरुलाई प्रेस ज्याकेट प्रदान गरेका छन् । उनले तेजारथ टोलस्थित एक संचारकर्मीहरुको सांगठनिक कार्यालय परिषरमा नै कार्र्याक्रम आयोजना गरी पर्सेली पत्रकारहरुलाई प्रेस ज्याकेट प्रदान गरेका हुन् ।
पत्रकारको सकृयता विना समाजभित्र लुकेर बसेका कुनै पनि घटना बाहिर ल्याउन सम्भव छैन । त्यसैले संचारकर्मीहरुको मनोबल उच्च राख्न आफूले अरु कदमभन्दा संचारकर्ममा लाग्ने साथीहरुलाई थोरै भए पनि प्रेस ज्याकेट उपलब्ध गराएर संचारमैत्री कार्य गर्ने जमर्को गरेको शेख मुन्नाले बताए । यो कदम आफ्नो एकल प्रयासबाट नै भएको उनको भनाइ छ ।
आगामी दिनमा पनि जाडो र गर्मी दुवै सिजनमा पर्सेली पत्रकारहरु मध्ये केहीलाई आफूले सकेजति प्रेस ज्याकेट र ट्रयाक उपलब्ध गराउँदै जाने पनि उनको भनाइ छ । जब न्यायालय, राज्य र समाजले समेत कसैलाई न्याय दिंदैन भने संचारकर्मी सामु पीडा पोख्ने र काम निकाल्ने चलन पुरानै हो । अझ राजनीतिक दलमा आबद्ध नेता कार्यकर्ताले त प्रत्रकारलाई प्रयोग मात्र गर्ने गरेका छन् । यसरी पत्रकारलाई प्रयोग र गाली गर्ने मात्र शैली नै गलत भएको निश्कर्ष सहित पत्रकारहरुलाई सम्मान गर्नु पर्छ भनेर आफूले यो कदम चालेको अभियन्ता शेख मुन्नाले बताए ।
प्रतिक्रिया लेख्नुहोस्
