spot_img

ताजा अपडेट

spot_img

हृदयघातबाट एसपी थपलियाको निधन

काबिल सम्बाददाता
वीरगन्ज
पर्सा कार्यक्षेत्र भई वीरगन्जमा रहेको सशस्त्र प्रहरी बल नेपाल गण नम्बर १३ गणका प्रमुख सशस्त्र प्रहरी उपरीक्षक (एसपी) सुमन थपलियाको निधन भएको छ । सशस्त्र एसपी थपलियाको शनिवार मध्यान्ह हृदय घात (हर्ट अट्याक) बाट मृत्यु भएको हो ।
आफ्नो दैनिकी सकी शनिबार बिहान साइकलमा बाराको गढीमाई पुगेर आएपछि बसिरहेको समयमा हृदयघात भएको सशस्त्र प्रहरीले जनाएको छ । उनलाई केही अप्ठरो भएपछि तत्काल वीरगन्जको नेपाल मेडीसिटी वयोधा अस्पतालमा पु¥याएपछि त्यही उनको निधन भएको पर्साका पर्सा प्रहरीले जनाएको छ । ४४ वर्षीय थपलियाको उपचारकै क्रममा निधन भएको पर्सा प्रहरीका प्रमुख (एसपी) कोमल विक्रम शाहले जानकारी दिए ।
शनिवार बिहान ११ बजेतिर गण परिसरमै रहेको गोलघरमा बसिरहेको समयमा एसपी थपलिया अचानक अचेत भएर लडेपछि अस्पताल लगिएको सशस्त्र प्रहरी बल गण नं. १३ का प्रहरीहरुले बताए । लगत्तै उनलाई उपचारका लागि मेडीसिटी वयोधा अस्पतालमा लगिएको तर बचाउन सकिएन उनीहरुले दुःखित् हुँदै बताए ।
नुवाकोट स्थानीय घर भएका एसपी थपलियाको निधन प्रति घटनास्थल पुगेर र सामाजिक संजाल मार्फत पनि विभिन्न उच्चपदस्थ व्यक्ति लगायत उनलाई चिन्ने सबैले समवेदना प्रकट गरिरहेका छन् ।

प्रतिक्रिया लेख्नुहोस्

सम्बन्धित खबर

ट्रेन्डीङ