spot_img

बिल विजकभन्दा बढि स्टेशनरी सामान बोकेको ट्रक पक्राउ

काबिल सम्बाददाता
पर्सा
बिल विजकमा उल्लेख भएकोभन्दा बढि स्टेशनरीका सामान बोकेर गन्तव्य तर्फ जाँदै गरेको मालवाहक ट्रकलाई पर्सा प्रहरीले नियन्त्रणमा लिएको छ । पर्साको वीरगन्ज महानगरपालिका वडा नम्बर २४ रामगढवा चोक नजिकबाट मंगलबार प्रहरीले सो ट्रक नियन्त्रणमा लिएको हो ।
रामगढवा चोकस्थित सडकखण्डबाट प्रहरीले नियन्त्रणमा लिएको ट्रक ना २ ख ७३११ को रहेको पर्सा प्रहरीले जनाएको छ । प्रहरीले पाएको सूचना अनुसार रोकी चेकजाँच गर्दा करिब ५९ लाख ८३ हजार ४१ रुपैया बराबरको स्टेशनरीका सामान बढि लोड गरेको पाइएको पर्साका प्रहरी नायव उपरिक्षक दीपक गिरीले बताए । पक्राउ गरिएको ट्रक र सामानलाई थप अनुसन्धान र कार्वाहीको लागि बुधबार राजश्व अनुसन्धान कार्यालय पथलैया बारामा बुझाइएको पनि पर्साका प्रहरी प्रवक्ता समेत रहेका प्रहरी नायव उपरिक्षक गिरीले बताए ।

प्रतिक्रिया लेख्नुहोस्
neelambads

—● ताजा अपडेट्स ●

—● सम्बन्धित खबर ●