सरकारको वैधानिकता माथि सर्वोच्चमा रिट
काबिल सम्वाददाता
वीरगन्ज
पहिलो दिनमा नै प्रधानमन्त्री केपी शर्मा ओलीले २२ सदस्य मन्त्रिमण्डल गठन गरेका छन् । गठित नवनियुक्त मन्त्रीहरुलाई नेपालका राष्ट्रपति रामचन्द्र पौडेलले पद तथा गोपनियताको शपथग्रहण गराइसकेका छन् । नयाँ मन्त्रीमण्डलमा केपी शर्मा ओली चौथो पटक प्रधानमन्त्री बनेका हुन् । उनी असार ३० गते आईतबार नै राष्ट्रपतिबाट नियुक्त भएका थिए ।
उनको मन्त्री मण्डलमा विष्णु पौडेल उपप्रधान तथा अर्थमन्त्रीमा नियुक्त भएका छन् । त्यसैगरी प्रकाशमान सिंह उपप्रधान तथा सहरी विकास मन्त्रीमा नियुक्त भएका हुन् । उनी नेपाली काँग्रेसको तर्फबाट सरकारमा जाने मन्त्रीहरुको नेतृत्वकर्ता समेत हुन् ।
त्यसै गरी अन्य मन्त्रीहरुको सूचीः
१– प्रकाशमान सिंह – उपप्रधान तथा सहरी विकास
२– विष्णु पौडेल – उपप्रधान तथा अर्थ
३– पृथ्वीसुब्बा गुरुङ – सञ्चार तथा सूचना प्रविधि
४– रमेश लेखक – गृह
५– प्रदीप पौडेल – स्वास्थ्य तथा जनसंख्या
६– आरजु राणा – परराष्ट्र
७– बद्री पाण्डे – संस्कृति, पर्यटन तथा नागरिक उड्डयन
८– बलराम अधिकारी – भूमि व्यवस्था, सहकारी तथा गरिबी निवारण
९– दामोदार भण्डारी – उद्योग, वाणिज्य तथा आपूर्ति
१०– नवलकिशोर साह सुडी – महिला, बालबालिका तथा ज्येष्ठ नागरिक
११– देवेन्द्र दाहाल – भौतिक पूर्वाधार तथा यातायात
१२– विद्या भट्टराई – शिक्षा, विज्ञान तथा प्रविधि
१३– अजय चौरसिया – कानुन, न्याय तथा संसदीय मामिला
१४– तेजुलाल चौधरी – युवा तथा खेलकुद
१५– मानवीर राई – रक्षा
१६– दीपक खड्का – ऊर्जा
१७– राजकुमार गुप्ता – संघीय मामिला तथा सामान्य प्रशासन
१८– ऐनबहादुर शाही – वन तथा वातावरण
१९– शरतसिंह भण्डारी– श्रम, रोजगार तथा सामाजिक सुरक्षा
२०– प्रदीप यादव – खानेपानी
२१– रामनाथ अधिकारी – कृषि तथा पशुपन्छी
प्रम ओली सहित उक्त सबै मन्त्रीहरुले सोमबार नै राष्ट्रपतिबाट शपथग्रहण लिइसकेका छन् ।
तीनजना मन्त्री बन्ने पर्सा सबैभन्दा भाग्यमानी
नवगठिन मन्त्रीमण्डलमा एकै जिल्लाबाट तीन मन्त्री बन्ने पर्सा जिल्ला सबैभन्दा भाग्यमानी जिल्ला बनेको छ । यो जिल्लाको क्षेत्र नम्बर १ का प्रदिप यादव, क्षेत्र नम्बर २ का अजय चौरसिया र क्षेत्र नम्बर ३ बाट प्रतिनिधि सभा निर्वाचिनमा निर्वाचित राजकुमार गुप्ता गरी तीनै जना प्रतिनिधि सभा सदस्य केपी शर्मा ओली नेतृत्वको सरकारमा मन्त्री बनेका हुन् ।
जिल्लामा रहेका ४ वटा निर्वाचन क्षेत्र मध्ये क्षेत्र नम्बर ४ का रमेश रिजाल मात्र यो पटकको मन्त्रीमण्डलमा छुटेका छन् । उनी निवर्तमान प्रचण्ड सरकारको मन्त्री मण्डलमा भने उद्योग बाणिज्य तथा आपूर्ति मन्त्री थिए । प्रचण्ड सरकारमा स्वास्थ्य मन्त्री रहेका पर्साको क्षेत्र नम्बर १ का प्रदिप यादव भने यो सरकारमा पनि खानेपानी मन्त्री बनी फेरि मन्त्री बन्ने भाग्यमानी मन्त्रीको लाइनमा दर्ज भएका छन् ।
यता यो सरकारको विरुद्ध सर्वोच्चमा रिट दायर
मन्त्रीहरुले शपथ लिए लगत्तै यो सरकार नेतृत्वकर्ताको नियुक्तिमा प्रश्न उठाउँदै सर्वोच्च अदालतमा रिट दायर भएको छ । संविधानको धारा ७६ (२) अनुसार प्रधानमन्त्रीको नियुक्ति र शपथ विरुद्ध सर्वोच्च अदालतमा रिट दायर भएको हो ।
शैलेन्द्र गुप्ता, दीपक अधिकारी र खगेन्द्र चापागाईंले प्रधानमन्त्री केपी शर्मा ओलीको नियुक्ति र शपथ बदरको माग गर्दै सोमबार सर्वोच्चमा रिट दायर गरेको सर्वोच्च अदालतले जनाएको छ । रिट निवेदकले संविधानको धारा ७६ (२) अनुसारको प्रधानमन्त्री नियुक्ति बदर गर्दै ३ अनुसार नयाँ नियुक्ति गर्न माग गरेका छन् ।
राष्ट्रपतिको कार्यालय, प्रधानमन्त्री तथा मन्त्रिपरिषद् कार्यालय, संसद् सचिवालय र प्रतिनिधिसभालाई विपक्षी बनाएर रिट दर्ता भएको अधिवक्ता यज्ञमणि न्यौपानेले जानकारी दिए । राष्ट्रपति रामचन्द्र पौडेलले आईतबार केपी शर्मा ओलीलाई संविधानको धारा ७६ (२) अनुसार प्रधानमन्त्री पदमा नियुक्त गरेका थिए । उनल सपथ लिएको केही घण्टा पनि वित्न नपाउँदै सर्वोच्चमा सरकार नियुक्ति विरुद्ध मुद्दा परेको हो ।
