काबिल सम्वाददाता
वीरगन्ज
संघीयता मात्र नभई अब ‘राष्ट्रिय सभाÕ समेत खारेज गरिनु पर्ने राष्ट्रिय प्रजातन्त्र पार्टी (राप्रपा) का अध्यक्ष राजेन्द्र लिङदेनले बताएका छन् । पर्साको वीरगन्जमा भएको राप्रपाको विशाल आमसभालाई सम्बोधन गर्दै अध्यक्ष लिङदेनले यस्तो बताएका हुन् ।
‘नेपाल आर्थिक रुपले टाटपल्टिई सक्यो । यो व्यवस्थाले अब मुलुक चल्न सक्दैन । त्यसैले संघीयता सहित राष्ट्रिय सभा पनि खारेज गरिनु पर्छÕ उनले भने । ‘संघीय व्यवस्थाको कारण राजनीतिक जनप्रतिनिधि मात्र ३६ हजार बढि भएर मुलुक आर्थिक रुपमा टाट पल्टाई सकेकोले छ । खर्च कटौतिका लागि अब संघीय गणतन्त्र सहित राष्ट्रिय सभा, जिल्ला समन्वय समिति पनि खारेजी गरिनु पर्छÕ उनले बताए । यहि व्यवस्था रहे मुलुकले अब आर्थिक भार थेग्न सक्दैन । राजनीतिक कार्यकर्ता पाल्ने संयन्त्र खारेजीसँगै सांसद संख्या पनि पूरै घटाउनु पर्छ । त्यो पनि मन्त्री बन्न नपाउने गरी उनले तर्क गरे ।
स्तरीय व्यवस्थाका लागि गाउँका जनताले पनि देशको प्रधानमन्त्री मेरो पनि हो भन्ने महसुस गर्ने गरी प्रत्यक्ष भोट हालेर प्रधानमन्त्री निर्वाचित गर्नुपर्ने व्यवस्था ल्याइनु पर्ने अध्यक्ष लिङदेनले बताए । ‘जुन प्रधानमन्त्रीले पाँच वर्षसम्म निश्चित भएर देश विकासमा काम गर्न पाओसÕ् उनले भने । सरकार गिराउने र भत्काउने खेल सदाका लागि बन्द गर्ने गरी अब राजनीतिक अवस्था र व्यवस्था दुवै बदल्न राप्रपाले आन्दोलन गर्दैछ । त्यो आन्दोलन हिंसात्मक हुँदैन, भद्र हुनेछ । सबै नागरिकले अब साथ दिनुस् उनले भने । एकलाख जनता काठमाण्डौमा पुगेर सिंह दरबार घेरे त्यो बहिरो सरकारले पनि सुन्नु कर लाग्छ अध्यक्ष लिङदेनले तर्क गरे । पार्टीले आगामी २७ गते चैतबाट काठमाण्डौमा विरोध प्रदर्शन गर्ने तयारी गरेको छ । अहिले संघीयता गलत सावित भयो । १५ वर्ष अगाडी आपूmहरुले संघीयता ठिक छैन भन्दा मधेश र अरु ठाउँमा पनि राप्रपालाई कसैले हेर्न पनि चाहेन । धेरैले गाली गरे । तर अब त्यो बाटो गलत रहेको पुष्टि भइसक्यो सो बाटो हिड्न छोडौं । हामीलाई साथ दिनुहोस् भन्दै उनले मधेशी जनतालाई पनि २७ गते चैतमा काठमाण्डौमा आउन आग्रह गरे । यदि साथ नदिने हो भने नेपालका छोरा नाती अरेवियनहरुको नोकर उत्पादन हुने गरिदिनु वाहेक केही हुँदैन अध्यक्ष लिङदेनले तर्क गरे ।
मधेश प्रदेशका कोषाध्यक्ष जगरनाथ प्रसाद कुर्मीले संयोजन गरेको आमसभामा पार्टीका उपाध्यक्ष बुद्धिमान तामाङले हिन्दुराष्ट्र अपरिहार्य रहेको बताए । त्यसैगरी बरिष्ठ उपाध्यक्ष रवीन्द्र मिश्रले मुलुकको आर्थिक पक्ष केलाउँदै संघीयता हटाइयो भने मात्र पनि मुलुकमा २ खर्ब रकम बचाउन सकिने उदाहरण दिए । त्यो पैसाले हरेक जिल्लामा संस्सारकै उत्कृष्ठ अस्पताल र विद्यालयहरु बनाउन सकिने उनको तर्क छ । यस्तो घाँडो व्यवस्था अब किन पालिराख्ने ? उनले जनतासँग सोधे । यसलाई फाल्न एक पटक अब जनताको साथ चाहिएको छ उनले भने । पार्टीका महामन्त्री धवल शमशेर राणा, प्रवक्ता तथा पार्टीका सचेतक ज्ञानेन्द्र शाही, प्रचार विभाग उपप्रमुख खुश्बु ओली लगायतले पनि विशाल आमसभालाई सम्बोधन गर्दै यो व्यवस्था र अवस्था नफेरि नेपाली जनताको हित नहुने दावी गरे । सुन तस्करका मतियारहरुको हाँकेको देश कत्तिखेर दूर्घटनामा पर्ने हो ठेगान नभएको भन्दै राजा सहितको हिन्दुराष्ट्र र छरितो व्यवस्था मुलुकले खोजेको उनीहरुको भनाइ छ ।
हत्या हिंसाको राजनीति गरी सरकारमा आएको माओवादीले त तस्करी गर्न पाएनौं भनी जनयुद्ध गरेको जस्तो देखियो । माओवादीका उच्च तहका नेता प्रायः सबै सुन तस्करीमा मुछिए । यो घटनाले माओवादी देश र जनताको पक्षमा काम गर्ने पार्टी होइन भनी पुष्टि भयो प्रवक्ता शाहीले तर्क गरे । कांग्रेस, एमाले र माओवादी लगायत नेपालका प्रायः सबै पार्टीका शिर्ष नेता कुनै न कुनै काण्डमा जोडिएकोले उनीहरुबाट देश र जनताले हित नहुने भन्दै उनी लगायतका मूल्याँकन अभिलेख विभागको मिना सुवेदी, प्रदेश अध्यक्ष भरत गिरी र प्रल्हाद साह लगायत सबै बक्ताहरुले अब यो अवस्था र व्यवस्था बदल्नै पर्नेमा जोड दिएका थिए ।
