काबिल समवदाता
पोखरिया
राम जन्मभूमि भारतमा नभई नेपालमा नै भएको नेपाल कम्यूनिष्ट पार्टी (नेकपा) एमालेका अध्यक्ष केपी शर्मा ओलीले फेरि बताएका छन् । १८ दिनपछि पुनः पर्सा आइपुगेका एमाले अध्यक्ष ओलीले मंगलबार पर्साको पोखरियामा सो कुरा बताएका हुन् ।
नेकपा एमाले पर्साले आयोजना गरेको बृहत सभा तथा पार्टी प्रवेश कार्यक्रमलाई मंगलबार पर्साको पोखरियामा सम्बोधन गर्दै उनले राम जन्मभूमि भारतमा नभई नेपालमै भएको फेरि दावी गरे । कालो सूचिमा परेका साविकका चर्चित ठेकदार हरिनारायण रौनियार लगायतलाई पार्टी प्रवेश गराउँदै एमाले अध्यक्ष ओलीले भगवान रामको जन्मभूमि पर्साको ठोरीमा नै भएको बताए ।
भगवान रामको जन्मभूमि बारे भारतको अदालतले समेत रामको जन्मभूमि अयोध्या भएको कुनै प्रमाण नपाइएको र त्यसको खोजी हुनुपर्ने भनेको’ खुलासा गर्दै उनले भारतसँग सीमा जोडिएको जिल्ला पर्सामा नै पुगेर राम जन्मभूमि पर्साकै ठोरीमा रहेको बताए । ‘रामायण र धर्मशास्त्रको गहिरो अध्ययन अनुसन्धानले राम जन्मभूमिको आधार यहिं नजिकै ठोरीमा भनेको छ’ उनले दावी गरे । ‘अयोध्या भनिएको भारतमा रामको जन्मभूमिको खोजि भइरहेको छ’ उनले थपे । अध्यक्ष ओलीले ‘विभिन्न शास्त्र, रामायण, जस्ता धार्मिक ग्रन्थहरुले रामको वास्तविक जन्मभूमि अयोध्यापुरी नै हो लेखेका छन्’ जुन नेपालमा नै पर्छ उनले बताए । ‘एक सय ५० वर्ष अगाडि भारतमा रहेको अयोध्या त फैजावाद रहेको खुलेको छ’ अध्यक्ष ओलीले बताए ।
एमाले वाहेक अरु पार्टीबाट देश नबन्ने जिकिर
‘धार्मिक, सांस्कृतिक तथा विकास निर्माण र मुलुकको समृद्धि गर्ने काम एमाले वाहेक नेपालमा अरु कुनै दलले गर्न सक्दैन’ अध्यक्ष ओलीले जिकिर गरे । भर्खर म आएको हुलाकी सडक एमाले सरकारमा भएकै समया हामीले बनाएको हो । अति प्रज्वलित भन्दै गाडीमा ल्याइने पेट्रोलिम पदार्थ जमिनमुनि पाइपमार्फत बाराको अमलेखगञ्जसम्म हाम्रै पालामा ल्याएको हो । अब लोथरसम्म पाइपबाटै पुग्छ उनले भने । एमाले सरकारबाट हटेपछि विकास निर्माण र मुलुकको हितका सबै काम ठप्प छन् उनले दावी गरे ।
देशको सम्बन्ध समान हैसियतमा
जनसंख्या थोरै भएर, भूगोल सानो भएर र गरिब भएर देश असमान हुँदैन । एक देशको सम्बन्ध अर्को देशसँग समानताका आधारमा हुन्छ । एमालेले छिमेकी राष्ट्रहरुसँग पनि सम्बन्ध विगार्न चाहेको होइन । तर कहिले नबिग्रने गरी ठोस रुपमा टुँग्याएर जानु पर्छ मात्र भनेर हो उनले थपे । यो सब कुरा र देशको विकास एमालेको एकल बहुमत आयो भनेमात्र सम्भव छ । अरु पार्टीले गर्न सक्दैनन् । मुलुको सामाजिक एकता, भ्रष्टचारको अन्त्य र समृद्ध नेपाल सुखी नेपालीको अधुरा काम सबै गर्नुछ । त्यसैको लागि ‘एमालेले मिसन २०८४’ को एजेण्डा लिएर हिडेको छ, तपाईहरुले पनि साथ दिनुस् उनले पर्सेली जनता सामु भने ।
अध्यक्ष ओलीले पोखरिया नगरपालिकाको विकासको मामिलामा प्रधानमन्त्रीसँग मंगलबार नै कुरा गर्ने पनि बताए । नेपालमा बन्ने १३ ‘स्मार्ट सिटी’ मध्ये अब पोखरिया पनि पर्ने उनले तर्क गरे । जिल्लाको बीच भागमा पर्ने पोखरियामा सरकारी सेवाका सेवा केन्द्रहरुको विस्तार हुनु पर्ने पनि उनको भनाइ छ । आफ्ना नेता कार्यकर्ताहरु तर्फ पनि संकेत गर्दै अध्यक्ष ओलीले नयाँ पुराना नभनी मिसन २०८४ लाई लिएर हिड्न सुझाव दिए । जसले पार्टीमा ईमान्दारी साथ काम गर्छ उसले अवसर पाउँछ । नयाँ पुराना भन्ने हुन्न उनले भने । निर्वाचनमा घात अन्तरघात कसैले नगर्न उनले चेतावनी दिए ।
नाती पर्ने दुर्गा प्रसाईं तर्फ संकेत गर्दै उनले कसैले बोकेका नयाँ तत्व, शिखण्डीहरु हामी कसैलाई चिन्दैनौं भने । राजाको जवानीमा नेपाली सेना बोकेको राजालाई फाल्ने, राणा, निरंकुशतालाई फाल्ने एमालेलाई कसैले सीसाको गिलास खिस्रिक्क ठोकिएर फुटे जस्तो नठान्न उनले चेतावनी दिए । पार्टीका युवाहरुले काठमाण्डौमा मंसिर ७ गते के सानो भेला गर्न खोजेको त्यसलाई च्यालेन्ज गर्न गाडीमा मान्छे ओसार्दै गरेको सुनेको छु । १५ वर्ष अगाडी बैंसमा पछारिएको राजसंस्थाको हलावा दिएर कसैले एमालेलाई कमजोर नआँक्न उनको चेतावनी छ ।
